في خرجة إعلامية نارية، فجّر امحند أوزين، الأمين العام لحزب الحركة الشعبية، قنابل سياسية جديدة في حوار مطوّل على قناة “أشكاين” مع الإعلامي هشام.
أوزين، اللي ما كيعرفش يدور في الكلام، خرج بكل صراحة وقال:
“عن أي تقييم تتحدثون؟ واش التقييم السياسي؟ الاقتصادي؟ المالي؟ الاجتماعي؟… شوف، ما كاين لا تقييم لا والو، غير الفشل والضعف والتخبط!”.
وبنبرة حادة، فضح أوزين ما سماه “الخيارات الغريبة” للحكومة، اللي فضّلات تدعم الفلاحة الأجنبية فـ رومانيا وإسبانيا، عوض دعم الفلاح المعيشي والكسّاب الصغير في الجبال والبوادي.
وأضاف: “خصنا نرجعو للقطيع، نتهلاو فالنعجة ، وندعمو الشعير باش يوصل لدرهم ونص… أما هاد المليارات، نخافو تاني يمشيو للفلاحين الكبار وتبقى الفئة الضعيفة كتتفرج”.
أوزين ما وقّفش هنا، وهاجم بقوة مشروع التغطية الصحية، وقال بالحرف:
“واش عارفين شكون غادي يستافد؟ غادي يدخلو ليها اللي كانوا منعشين عقاريين، ودابا قلبوها مصحات وكلينيكات… غادي يعمرو الصندوق ويشفطوه!”.
وواصل أوزين تساؤلاته :
“فين هو التنفيذ الجدي للسياسات؟ فين هو التوجه لصالح الشعب؟ واش كاين شي جدية حقيقية؟”.
وأكد أن الحكومة كتخدم بشعارات خاوية، بلا أي رؤية مستقبلية، وأنها كتلعب بمصير ملايين المغاربة.
وختم أوزين رسالته للشعب والإعلاميين قائلاً:
“راه اليوم خاصنا نحاربو الفساد بكل قوة، وما نخليوش المال العام يضيع. خاصنا نوقفو هاد العبث، ونبقاو أوفياء للفلاح الصغير والمواطن البسيط. وأنتوما الصحافة، خاصكم تكونو صوت الشعب الحقيقي”.
وما نساوش، في ختام اللقاء، دعا المغاربة يشاركو في النقاش ويتابعو القناة ديالو:
“ما تنساوش تابوناو معنا في لاشين، وتابعونا على مواقع التواصل الاجتماعي… راه جايين بمفاجآت كثيرة!”
خاتمة :
اللي بغا يعرف الحقيقة، يسمع أوزين: لا للخداع، لا للفوضى، نعم للفلاح البسيط والمواطن لي كايبغي يشري دوا بثمن معقول ويعيش بكرامة…
