في جلسة برلمانية هادئة، كشف كريم زيدان، الوزير المكلف بالاستثمار، أن الحكومة وضعت مغاربة العالم في قلب اهتماماتها، وأكد أن جلالة الملك يولي عناية كبيرة للجالية المغربية، خاصة في ما يخص الاستثمار والاقتصاد.
زيدان قال إن الوزارة غادي تواكب مغاربة الخارج خطوة بخطوة، وتوفر لهم كل المعطيات، وتسهّل عليهم المساطر، بل حتى المراكز الجهوية غادي تجهز أطر كيهضرو بلغات مختلفة لتسهيل التواصل.
هدش مزيان، أغادي يتم إطلاق منصة رقمية جديدة في الأسابيع المقبلة، باش الجالية تلقى المعلومات بسهولة وتكون قريبة من فرص الاستثمار.
الوزير طمأن الجميع بأن الهدف هو رفع مساهمة مغاربة الخارج في الاقتصاد الوطني إلى أكثر من 30%، وإعطاء دفعة قوية للتنمية وخلق فرص شغل جديدة.
لكن، حتى منبقاوش في الأحلام الوردية، خاصنا نسولو: واش هاد الأرقام والوعود غادي تتحقق على الأرض؟ واش الإجراءات غادي تكون فعلاً مبسطة، ولا غادي نرجعو نسمعو على العراقيل المعتادة؟
زيدان عطانا أرقام كبيرة: أكثر من 160 ألف منصب شغل متوقع، و237 مشروع استثماري بقيمة 369 مليار درهم. أرقام طموحة، كتعطي الأمل، ولكن خاص الشفافية والمتابعة الحقيقية باش ما يبقاش الاستثمار مجرد شعارات.
النية زوينة، والخطاب مشجع، ولكن يبقى الأهم: التطبيق الفعلي، ومواكبة حقيقية لكل مستثمر، سواء من الداخل أو من الخارج، باش يحس أنه شريك في بناء مستقبل البلاد.
وفي انتظار تحويل الكلام الجميل إلى أفعال ملموسة، المغاربة كيبقاو متفائلين، وكيقولو: “الله يسهل، والنية زينة!”
