أعلنت الحكومة، اليوم الخميس، أن الاقتصاد الوطني حقق نمواً لافتاً خلال الثلاثة أشهر الأولى من السنة الجارية، بنسبة بلغت 4.8 في المائة.
مصطفى بايتاس، الوزير المكلف بالعلاقات مع البرلمان والناطق الرسمي باسم الحكومة، خرج في ندوة صحفية مباشرة بعد اجتماع المجلس الحكومي، كيأكد أن هاد الأرقام كتعكس تحسن كبير مقارنة مع نفس الفترة من السنة الماضية، وكتمثل إشارة قوية على ارتفاع معدل النمو.
بايتاس ما فوتش الفرصة باش يشيد بالإصلاحات اللي دارتها الحكومة منذ تنصيبها، وقال أن هاد المجهودات بدات تبان فالأرقام، خصوصاً فالمجالات الفلاحية والصناعية، بحال الصناعات التحويلية، وكذا ارتفاع الطلب الداخلي.
وزاد بايتاس وأكد أن الأسر المغربية رفعت من إنفاقها، وصرح بأن مؤشر الثقة ديالها فالحكومة والمستقبل بدا كيرتفع.
وأوضح أن الحوار الاجتماعي والزيادات اللي دارت فالأجور، وتخفيض الضريبة على الدخل، كلها عوامل ساهمت فرفع الدخل ديال الأسر.
كما أشار للدعم الاجتماعي المباشر، دعم السكن، وصندوق المقاصة، اللي ساعدو على تحسين الوضع وخفض معدل التضخم، وبالتالي إعطاء دفعة جديدة للاقتصاد الوطني.
خاتمة
صحيح، الأرقام كتشجع، والنسب كتحمر الوجه فالتقارير، ولكن المواطن البسيط باقي كيسول: فين هو هاد النمو فجيب ديالي؟ واش الأسعار نقصات؟ واش المعيشة تحسنت؟
الاقتصاد كيطلع، ولكن خاص حتى الكرامة والقدرة الشرائية يطلعو معاه… حيت النمو الحقيقي كيبدا من راحة المواطن، ماشي غير من الأرقام!
